Services aux victimes e tapishiniht anite Service correctionnel du Canada eshi-uinakaniht(SCC)

Ne Service correctionnel du Canada (SCC eshi-uinakanit) uin takuaimatam^u e kanuenimakaniht kie e nakatuenimakaniht ka matshinniuiht tshepauakaniht nishupipuna kie ma anu.

Eshinakuanikue katshi matshi-tutakune, tshuitamatinan uemut kuishk^u tshe tutakuin kie tshe ishpitenimukuin. Ka nakatuenimaht ka matshi-tutuakanniti tauat anite tshi uauitamukueik^u eshinakuannit utatusseunuau anite SCC kie peikuan ne ka ui matshi-tutakuiek^u.

Ute Canada assit eshi-inniunanut nitshissenitenan e ishpitenimakaniht uikanishimauat kie anitshenat uashka etaht. Nitshissenitenan kie, mush ishinakuan, ne auen ka matshi-tutuakanit nishtuapameu nenu metshi-tutakut. Tshitshi uitamukunau natau-tshissenitamek^u iaitik^u ne auen ka matshi-tutakuiek^u , at shaputue natshishkuek^u kie ma eka natshishkuek^u. Nitishpitenitenan eshi-naushunamek^u ua iaitiek^u.

Mitshetuait tshitshi aitinau anite eshi-pimutenanut e ueueshiakanit auen. Tshitshi uitamakuau SCC iaitik^u ka matshi-tutakuiek^u kie peikuan tshinuau tshitshi uitenau ka iaitik^u.

Kie peikuan, tshitshi uitamuauau etenitamek^u ne Comité consultatif sur les victimes (CCV eshi-uinakanit). Anitshenat CCV ekue tipatshimushtuat eshpannit nenu SCC mak nenua Commission des libérations conditionnelles du Canada (CLCC), ekue uitshiuet anite tshe ishi-pimutet mak anite tshe ishi-pimipanitakanit atushkannu anite eshi-pimutenanut e ueueshiakanit auen mak e nakatuenimakanit uenitishinakanit.

Tshitshi natau-tshissenimauau ne ka matshi-tutakueik^u iaitik^u anite CSS kie anite CLCC. Katshitinamek^u ne aimun etatu tshe nishtutamek^u eshi-pimutenanut e ueueshiakanit auen kie e nakatuenimakanit e unuitishinakanit, kie tshinuau tshe minuenimuiek^u kie tshe uitshikuiek^u tshi minuinniuiek^u. Tshika tshi natau-tshissenimauau kie ne ka matshi-tutakuiek^u kutak auen e atussemek^u kie mak auen ka shutshenimek^u tshipa natau-tshissenimeu.

Ne takuaikan-mashinakan eshi-pimutenanut e ueueshikanit auen kie ma e nakatuenimakanit e unuitishinakanit (LSCMLC) uitam^u essishuemakannit ka ueueshtakanit e nashak auen etshi katshitinak aimunnu netau-tshissenimaht ka matshi-tutaminniti tshepauakanniti nishupipuna kie ma anu.

• Auen katshi akuiakanit uiat kie umitunenitshikanit etshi matshi-tutuakanit
• Unapema kie ma utishkuema, uikanisha, auennua ka kanuenimat, nipit ne auen, akushit kie ma eka tshi aitik, ne auen ka kanuenimat (miam pate, akushu kie ma apu tatupipuneshit ne ka matshi-tutuakanit), kie ma auen kuenuenitamuat auennua utakuaimatunnu ka ishi-minakanit ka matshi-tutuakanit
• Auen natshi-uitamuat kamakunueshinit kie maTshishe-utshimashkueu

Tshekuannu etshi-tshissenimueku ka matshi-tutakuiek^u

Katshi-katshitinakanit aimun, eukuan ume tshe ishi-tshiuenamakuieku aimun :

• utishinikashun ne ka matshi-tutakueik^u
• tan ka ishi-matshi-aitik^u kie tsheku-ka ueueshtakannit ka anuenimukut
• tan eshpish tshitshipannit mak tan tshe ishpish tshipauakanit
• tsheku-tshishtuakaniht tshipa tshi minupannu kie tshipa tshi ueueshi-tshitapatakannu tshe ishpish tshi unuitishinakanikue kie e unuitishinakanit e ueueshtakannit tshe aitik unuitimit tat

Umeni kutak tshekuan tshipa tshi uitamakunau natau-tshissenitamek^u:

• e tatupipuneshit ka matshi-tutakueik^u
• e kanuenimakanikue ka matshi-tutakueik^u, kie eka etshi-kanuenimakanikue, tshika uitamakunau tshekuannu ma
• eshinikatet mak tanite tshemitet anite e tshipauakanit ka matshi-tutakueik^u
• tshika uitamukunau atanakanit tshiputakutshuapinu ka matshi-tutakuiek^u
• tshika uitamukunau eshi nashamukue e pimipanitakannit atushkannu kie ma katshi nashamukue ne ka matshi-tutakuiek^u
• tan ka ishi-mishta-matshi-aitik^u
• eshpish tshishtuakannit manakanit tshi unuit, ait etishuakanikue, uenuitishinakanikue e nakatuenimakanit kie ma e unuitishinakanit shash etshi anu tetaut ishpish tat e tshipauakanit
• tshekuannu ka ut tapuetuakanit tshi unuit
• tshekuannu tekuannit tshi nashak uenitishinakanit, ait etishuakanikue, uenuitishinakanikue e nakatuenimakanit kie ma e unuitishinakanit shash etshi anu tetaut ishpish tat eshpish tshipauakanit
• tanite etutet uenitishinakanit tiapuetuakanit tshi unuit, ait etishuakanikue, uenuitishinakanikue e nakatuenimakanit, uenuitishinakanikue shash etshi anu tetaut ishpish tat eshpish tshipauakanit kie ishinakuakannit pessish tshi tat nenua ka matshi-tutuat, kie ma tekuannit tshi ishi-nashak umeshkanam
• tshe ishpish tshishtuakannit ka matshi-tutak tshe pimipaniakanit anite Commissions des libérations conditionnelles du Canada e uauitakannit ka tshipauakanit katshi shaputuepannit ishpish takuannit tshi tat e tshipauakanit

Ui patshitinamek^u aimun

Tapuetamek^u, tshipa tshi uitenau^u tan ka ishi-matshipanikueik^u ka matshi-tutakuieku kie ma eshi-matshipanikuht tshikanishuauat kie tshipa tshi uitenau ka iaitik^u ne ka matshi-tutakueik^u. Eshi-patshinamek^u aimun tshipa tshi uitshiueu tan tshe ishi-utinakanit aimun tshe ishi-ueueshiakanit ka matshi-tutak. CLCC tshipa tshi kie uin apashtau nenu aimunnu ui unuitishinakanit ne ka matshi-tutak.

Takuan tshi tshissenitamek^u neume e natau-tshissenitamek^u tshekuan ashit anitshenat Service aux victimes anite SCC, apu uitamuakanit ne ka matshi-tutak. Muk^u uin, patshitinamek^u aimun ekue apashtakanit neume e utinakanit aimun ua unuitishinakanit ka matshi-tutak, ek^u SCC takuannu tshi uitamuat nenu ka matshi-tutaminit tanite uetshipannit aimunnu. Muk^u uin, apu tshi patshitinakanit kassinu tshekuan, miam etashtet atshitashun tshitshuat kie etashtet tshikaimitunanim, apu uitamuakanit nenu ne ka matshi-tutak.

Ui natau-tshissenitamek^u

Tshika tshi matuetitanau anite SCC anu ui tshissenitamek^u anite e uitshiakanit ka matshi-tutuakanit kie ma ui natau-tshissenitamin tshekuan.

Service correctionnel du Canada – Services aux victimes
Apu tshishikashinanut : 1-866-806-2275
Atusseu-tauapekaikan e mashinaitshenanut : victims-victimes@csc-scc.gc.ca
Atusseu-katshitapatakanit e natshi-uapatakanit : www.csc-scc.gc.ca/victims-victimes

Commissions des libérations conditionnelles du Canada –Services aux victimes
Apu tshishikashinanut : 1-866-789-4636
www.pbc-clcc.gc.ca

Tshishe-Utshimau Kanakatuapatak Kaueshitunanut
Apu tshishikashinanut : 1-866-544-1007
www.justice.gc.ca

Kauauitshiuet Kapiuenimakaniti Anite Ut Tshishe-Utshimat Etatu ui natu-tshissenitamini kie mak ui mamishetshemuini, tshe aimin OFOVC kie mak tshe matuetain 1-866-481-8429 kie mak tshe pitutepanin anite www.victimsfirst.gc.ca