Algonquin

Mikimowin keiji kwaiagobinaganiwitch awiag ooma kanada inenidagosi kidji kanawenimakaniwitch ashitch kidji nakadjiakaniwitch kaiji kidji panaakewatch egi takonakaniwitch nijobibon inikig koni awashamesh

Kishpin ki inashtaonikoan eki kidji panaakean niwi kedjinamendananan wewenda edotagoek ashitch emanadjiigoeg. Ikiwe ka mikimawadjin ka panaakenidjin tewag kidji widamakoeg eshinakwag iiwe mikimowin ka kidji panaakewatch kidji minobinakaniwatch ashitch awenen ka manenimig.

Nikikènidananan peshigotèna ashitch anichinabewakin ekidji kitèndagosièg ka wabisiwatch odishitawiniwa. Niki kènidananan ashitch mojag ejisèg ka kikènimadjin awian mi iniwè ka manènimigodjin. Kigaki otisikom widamakèwin ketotamèg aawe ka manènimig ati kedotaman kiwiwabama na ee koni kawin. Kika manadjiigo kaiji inénidaman kidji totaman.

Takwan emanèwèkinakwag ke ani dodjikatèg kaiji tébakonigonaniwag. Kigaki pidjinishamago ewidamagoèg ikiwe kamikitamowatch (SCC) ijinikatè tapishkotch kidji widamakèan ka dotagoan aawe ka manènimig. Kigaki widamawag ikiwe komité ka mikidamowatch enèndaman ikiwe tash ka mikidamowatch oga widamawawan iniwe ka mikimawadjin iniwe ka panaakedjin ashitc iniwe (CLCC) ijinikatè kamikimawadjin iniwe ka tagonakaniwindjin enakadjiakaniowatch wenipig eki sakamowatch kipawatimikiwamig midash kidji nanada kikenidamowatch kedodamowatch kidji takwanig inakonikewin ashitch kidji nosonèamowatch awiag pakitinakaniwitc egi takonakaniwitch.

Kigaki otisogom widamakewin kedotameg awiag egi panaaketc koni egi manenimig kin odji kidji widamawek ikiwe ka mikimawadjin iniwe ka panaakedjin (SCC) ijinikatè koni (CLCC). Iiwe dash widamakewin kiga widogagom kidji nisidotameg awiag pakidinakaniwitch eki takonakaniwitch enakadjiakaniwitc keani todak kigaki kedjinamentan eka kegon kidji ijisèan ashitc newat kigaki kikè kadotag. Ashitch kigaki otisigon widamakewin ejinikasotch awiag étepweenimatch kidji widamag keani ijisèan.

(LSCMLC)ijinikatè inakonikan kakwaiakopinakaniwitc ashitch kabakitinakaniwitch eki takonakaniwitch enakadjiakaniwitch kedotag kidji nosonèag. Widamakaniwan maia egidomakag tipagonikewin awiagokag kigaki otisigom widamakewin awiag kanda panaaketch inikig edakonakaniwitc nijobipon koni awashamesh :

• awiag ka kidji panaaketch egi makiadjin awian koni egi nisadjin
• nabè koni witikèmakanan, odjinawimakanan, awiag emigimadjin, kishpin egi nopondjin agosindjin koni ega kashkitotc kidji migimitisotc iniwe ka ganawènimigodjin (onda oowe aawe awiag egi manenimakaniwitch agositc koni ega mashe egishindawikitch).koni awiag ekanawenimadjin kidji nagadjiadjin iniwe ka manènimakaniwindjin.
• Awiag endawamadjin tagoniewinin emamishimadjin awian koni tibagonikewinikag.

Nidam egi otisikoan ka kakwetèan kiga ani witamago oowe :

• owison aawe awiag kanda panaaketch
• kaiji panaaketch egi kikènimakaniwitch ashitch egi takonigodjin tipagonikewinin.
• Etasogonakisitch ashitch inikig ke takonakaniwitc
• Etasogonakisitch ka kadjitinakaniwitch ashitch kanda kigènimakaniwitch kidji pakitinakaniwitch kidji sakaag keani nosoneeag enagonakaniwitch.

• etasobiponesitch aawe kanda panaaketch
• kishpin aawe kanda panaaketch edaji kanawenimaganiwitch ashitch koni wedjiga kanawenimaganiwitch
• ejinikatènig mikiwam ati eiji kanawenimakaniowatc kanda panaakewatch
• egi kikendjikatèg éadasakaniwitch aawe kadan panaaketch godak mikiwamini
• egi kikendjikatèg aawe kanda panaaketch kakikenidag koni kabi kikenitag
• egi kidji sokagonakaniwitch iiwe kaiji kidji panaaketch
• etasogonakisitch epakitinaganiwitch kidji sakaag kaiji kanawenimaganiwitch akwadjig etètch egi pakitinakaniwitch koni maia gotch pakitinaganiwi.
• wegonen wedji minosenig kidji pakitinaganiwitc
• ka wabadjikatèg egi sagamomagag kidji pakitinaganiwitch kidji sakaag kidji kanawenimaganiwitc akwadjig epakitinakaniwitch kidji nosonéag kainakaniwitch kidji dotag koni maia pakitinaganiwi
• ke ijatch apitch pakitinaganiwitc kidji sakaag kidji kanawenimaganiwitch godag migiwamini, epakitinaganiwitch kidji nosoneag kainaganiwitch kidji dotag koni maia pakitinaganiwi ashitc kidji ki wabamadjin iniwe ka madjidotawadjin kishpin pakidinaganiwitch kidji wabamadjin
• etasogonakisindjin apitch ke tipaginaganiwitch aawe kanda panaaketch iima kidji tipagonikewinikag ka pakitinawadjin egi takonaganiwitch awian ooma kanada eishkwasènig egi tagonakaniwitc

Kishpin ijindawenidaman kigaki widamake ashitch adi kabi dotak koni kipeshigotènamikag adi kabi dotagoan koni kidji widamakèan kabi dotag aawe kanda panaaketch egi manenimig. Iiwe kabi widamakean kadaki abadjidjikatè kidji ki odabinikatèg keinakonakaniwitc kidji ki kwaiagobinaganiwitc aawe kanda panaaketch. Ashitch ikiwe ka mikidamowatch tibakonikewini epakitinawadjin awian egi ishkwasènig egi tagonakaniwitch awiag kidji sakaag mi iiwe egidonaniwag CLCC ogaki abadjidonawa ashitch iiwe kabi widamakaniwag apitch pagitinaganiwitc awiag kidji sakaag egi tagonakaniwitch kanda panaaketch kidji kiwetch kaiji tajikètch.

Kiwidamagom oowe kishpin wi aiamiatch awiag igiwe ka migimawadjin kanda panaakedjin wi kikèndaman kegon kawin widamawaganiwisi aawe kanda panaaketch. Midash oowe kishpin egi widamakean eodabinikatèg kidji abadjidjikatèg ebakitinaganiwitch kidji sakaag aawe kanda panaaketc panima kada widamawakaniwi aawe kanda panaaketch kabi ikidoan midash eta kawin kada widamawaganiwisi enasinatèg kaiji dajikèan koni ati wedjibaian enasinatèg kidanimwebiwabig kawin kada widamawaganiwisi aawe kanda panaaketch.

Kishpin nawatch wikikendaman kigaki iaimiag ikiwe scc ijinikate ka mikimawadjin awian egi manenimaganiwindjin koni kidji kakwètèan kekon.

Service correctionnel du Canada – service aux victimes Mikimowin kwaiagobiniwewin ooma kanada ( wi ikidonaniwan ii) - mikimowin inashtaoniwewin koni kamanenimaganiwitc awiag (wi ikidonaniwan)

Inasinatèg animwebiwabig : 1-866-806-2275 kawin kijikikatèsinon
Courril : victims-victimes@csc-scc.gc.ca
Site Web : www.csc-scc.gc.ca/victims-victimes

Commission des libérations conditionnelles du Canada- Service aux victimes
Ka kanawabamawadjin takonikanan egi pakitinakaniwindjin awian ooma kanada

Enasinatèg animwebiwabig : 1-866-789-4636 kawin kijikikatèsinon

Ministère de la justice –fonds d’aide aux victimes (aide financière pour assister aux audiences de la clcc)

Ka mikitamowatc tipagonikewini- kidji widokawaganiwitc ka manenimakaniwitch (kidji kishikatamawakaniwitch wi ijatch kaiji tibagonikonaniwanig

Enasinatèg animwebiwabig 1-866-544-1007 kawin kijikikatèsinon
www.justice.gc.ca

Le bureau de l’ombudsman federal des victims d’actes criminels
Enasinatèg animwebiwabig 1-866-481-8429 kawin kijikikatèsinon
www.victimsfirst.gc.ca