Avian influenza in Arctic and Northern Canada (Inuinnaqtun)

Tingmiat aniagutait aniagutauyut akhut nuutitihalaaktut ilanganut tingmiat nanihimayut munagiyauyut tingmiat ovalo nunamit tingmiat, ilauyut; mitiit, kanguit, kukyuit, nauyat, imitkutailat, hinaanit tingmiat, tatilgat ovalo kaalaat. Tingmiat aniagutait aktulaaktait nunamit ovalo munagiyauyut hugaat, ilaa tahapkononga umayukhiuyuktunut, tingmiakhiuyuktut ovaluniit nigiyuktut aniagutikaktunik tingmiat, tigiganiat, imuuyaat, akhat/nanuit ovalo natiit ovalo kingmiit ovalo cats hapka hugaavaluit aktuktaulaaktut aniagutinik tingmianit. Tingmiat Aniagutikaktut Kanatami.

• Transcript

  Paniik: Malruuktauq aappak, naammakhijungnaqhivuq Pikiuttunga 20-nik manningnik naammaliqtut amaamamut anaanamullu attamnulu Suusi

  Aappak: Quanaqqutit Paniik, kanguqturniaqtugullu unnuk. Utiuliqtaa qajarmut, ulinnialiqtuq.

  Paniik: Aappaak ilihaijingma uqaqpaktuq tingmiat aanniaqtaaqtut. Taimaitpaa?

  Aappak: Hii, tingmiat aannialaqittaaqtut Panik. Takuhimajugut aanniarutilingnik tingmianik maniqqami anguniajuittavut kihimi

  Paniik: Mrs. Barton uqautijaatigut Tingmiat Aanniarutaanik imaalu ilaani inuit aannialaqivigittaaqtait. Uqaqturlu tingmiaq aanniarutilik amigairjuniitkaangami amigaittut aannialaqittaaqtuq atautikkut.

  Aappak: Taimaittunaqtuq, Nalujunga. Angait Piita uqaqtuq takuhimajuq qaffinik kangunik Kangiqhiqhungmi aanniaqtutut ittut. Imaa ai, Pauloosie Uumajuliqiji apquhaarlugu apirijaqturlaqquk.

  Angait Piita: Hii, Nalunaijaijit taivagaat Avian Aanniarunmik Takulluarnaittuq hamani kihimi tingmianiittunaqtuq tamaita tingmiat aanniarutilgit aanniaqtutut ijuittut.

  Paniik: Qanuq ilihimaniaqqita kitut aanniaqtut?

  Angait Piita: Takuniarunaqtutit tuqungajunik tingmianik maniqqami imaaluunniit tingmiaq aanniaqtutut ittut imaalu taimaittut angunahuarumanngitavut. Aanniaqtut tingmiat qanurunaaqtut, iqiahuktut, naluqhittut, hajukhutik imaaluunniit puvipkahimaniaqtut niaquani qunguhiniani ijingnilu qalakhuqhuni tagjuqhuniluunniit.

  Paniik: Tingmiat tagjutaaqtut!?

  Angait Piita: Haha, iihi. Takugupkit hapkua tingmiani qimaglugu tingmiaq unniutilunga humi takujat. Aahiittauq unniutinaridjavarma tuqungajunik tingmianik paqittiguvit. Tuharnariruma, nakuutqijaujuq! Taimaa uuktuuriangat ilihimajaaptingni avian aanniarutiqariakhaa.

  Aappak: Uqaqtutit ilangit tingmiat aanniarutilgit kihimi nalunaqtut takunnainnamik aanniariakhaa? Taimaa angunahuaqtaaqtugut aanniaqtunik ilihimanngittumik?

  Angait Piita: Taimaittaaqtuq, imaa ittunilu avianmik aanniarutiniktaaqhuta mikijuq kihimi, aanniarutiniktailittaaqtugut.

  Angait Piita: Hivullirmi, kahaktailugit nirittailugit aanniarutiqaqtutut ittut tingmiat tuqujariiqhimajulluunniit aanniarunmit. Tamainnut tingmianut angujarnik algaaqarlutit tingmialiqigaangavit manniinniglu. Hilami hanaqirlugit iritarlugit. Tingmialiqiguvit akulikkit kahaktailugu imaalu nirihimaittumik hunanik, niuqaqhimaitumik higaaqhimaitumigluunniit tingmidjiqiblutit manniliqiblutilluunniit. Atauttimiupkaruirlugit halumajut halumaiitullu manniit pikiutkaangapkit. Pihuirlugit hiqumikhimajut halumaittullu manniit. Nanuglugit halummaqtirlugit manniit paniupajumut aallarunmut halummaqhinmulluunniit, uaruirlugit imarmunngaruirlugit manniit. Uarungni aanniarut iluanunngaqtittaaqtat manningmut. Algatit qilamik uarlugit hihaittumi imarmi tingmidjiqihuiruvit manniliqijuiruvit. Uarlugit halummaqtirunmut hanalrutitit qaangalu hanaqirviit manningnik tingmianigluunniit. Aallanik aannuraarlutit uarlugit aannuraatit kamitillu aunginnangurungnaqhijut, hunagunigunaqhijut qalaanillu. Hanguguvillu tingmiaqarnirmit aallanut, kamingnit nunavaluijarlugit halumaqtirlugit aannuraarnillu. Taimaa hiamitiriittumik avian aanniarut maniqqamut.

  Aappak: Taimaa kangiqhinnaqtuq. Imaa uqaqtutit tingmiarupta aanniarutilingnik nakuujutut aanniarutaittutut itkaluarluni nirittaaqtaqqut?

  Angait Piita: Naammaktuq nirijaami igattiaqhimajunik tingmianik manningniglu. Niqaa aupajaanguhuiqtukhaq imaalu niqaa uqhurikhunilu, taimaa ilihimaniaqtutit qalattuq. Niqaa naammangniaqtutit maligupkit qajagidjutit imaalu nirijuitkuvit uuhangajunik, quanik uuhimaittuniglu manningnik. Ilitturijut qiqipkahugit tuqulimaitaa aanniarut.

  Paniik: Ukuattauq tingmiat manniit niuvirvingmit?

  Angait Piita: Taamna aallaujuq, niuvirvingmit tingmiat manniillu maligaqaqtut amirijaublutiglu aanniarutinit. Hilami tingmiat aallaujut ajurnaqtqijaublunilu hiamitirnia aanniarutit aallanut tingmianut. Inuitut qalalaqijut aannialaqijut nunallaani hiamitiqtaaqtut ajurnaqhibluni ilaani aahiittauq tammaqpalliattaaqhuni.

  Aappak: Imaa qaujimagupta, maliglugillu atuqujaujut nakuuniaqtugut.

  Angait Piita: Hii taimaa, kangiqhimannattiaqtuq ilihimalunilu. Uvva titiraq pigguuk, kangiqhidjutiqaqtuq uqarijaptingnik. Qaittaaqtutit imaaluunniit Uumajuliqijinut nunallaarni kangiqhidjutinik pijaarni avian aanniarutikkut.

  Paniik: Quana, una takupkarniaqtara Mrs. Barton-mut ilihaqatitka ililtturijaangita kangiqhimajakhanik nakuujamingni angunahuaqhutik, quviahugiaptingni una niqiudjariktut mamaqtut niqainnat!