ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᒃ

ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᒃ (NWA), ᓄᓇᕘᒥ, ᐃᑲᔪᖅᑐᖅ ᐅᓄᓇᖅᑐᓂᒃ ᑕᕆᐅᕐᒥᐅᓂᒃ ᑎᖕᒥᐊᓂᒃ ᐱᕕᖃᖅᑎᑦᑎᓪᓗᓂᓗ ᐱᕐᔪᐊᓂᒃ ᓂᕆᕝᕕᖕᓂᒃ ᑕᕆᐅᒥ ᓂᕐᔪᑎᓄᑦ. ᓂᕐᔪᑎᖃᕐᕕᒃ ᐃᓄᒃᑎᑐᑦ ᑕᐃᒎᓯᐅᔪᖅ “ᓂᕐᔪᑎᓕᖕ”ᒧᑦ.

ᓇᓗᓇᐃᖅᓯᒪᓂᖏᑦ

ᓂᕐᔪᑎᖃᕐᕕᒃ ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᒃ ᔫᓐᔅ ᓱᓪᓗᐊᑕ ᑲᓇᖕᓇᖓᓃᑦᑐᖅ 20 ᑭᓛᒥᑕᐸᓗᐃᑦ ᓂᒋᐊᑕ ᓄᕗᐊᓂᑦ ᐃᓕᔅᒥᐅ ᕿᒥᖅᑕᖓᑕ ᓄᓇᕘᒥ.  ᐱᖃᓯᐅᔾᔨᔪᖅ ᑯᐳᒃ ᕿᑭᖅᑕᕐᒥᒃ, ᐳᕆᓐᓴᔅ ᓴᓚᑦ ᓇᓗᓇᐃᒃᑯᑕᖓᓂᒃ ᐃᒪᓕᒫᓂᒡᓗ ᐃᓗᐊᓂ 10 ᑭᓛᒥᑕᑦ ᐊᕙᑖᓄᑦ ᕿᑭᖅᑕᐅᑉ.  ᑎᒃᑯᐊᖅᑕᐅᓪᓗᓂ 1995ᒥ ᓴᐳᔾᔭᐅᓂᖏᓐᓄᑦ ᓄᖑᔾᔭᐃᖅᓯᒪᓂᖏᓐᓄᓪᓗ ᑕᕆᐅᕐᒥᐅᑦ ᑎᖕᒥᐊᑦ ᓂᕐᔪᑎᓪᓗ, ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᒃ 1,642 ᑭᓛᒥᑕᓂᒃ ᐊᖏᓂᓕᒃ ᓴᓂᒧᑦ ᑐᑭᒧᓪᓗ. ᓯᕕᖓᔪᑦ ᓯᒡᔭᓂ ᖃᖅᑲᖏᑦ ᓈᒻᒪᑦᑎᐊᖅᐳᑦ 385,00 ᐸᓗᓄᑦ ᑕᕆᐅᕐᒥᐅᓄᑦ ᑎᖕᒥᐊᓄᑦ, ᐱᖃᓯᐅᖦᖢᒋᑦ 11% ᖓᑦ 16 % ᖓᓪᓗ ᑲᓇᑕᒥ ᕿᑐᕐᖏᐅᖅᑐᑦ ᐊᒃᐸᑦ ᑎᕋᑎᕌᓪᓗ ᐊᑐᓂ. ᖃᐅᔨᒪᔭᐅᔪᖅ ᐅᓄᖏᑦᑐᓂ ᕿᑐᕐᖏᐅᕐᕕᐅᓂᖓᓄᑦ ᓯᒡᒍᑲᓪᓚᓕᖕᓄᑦ ᐃᓂᒋᔭᐅᒋᓪᓗᓂᓗ ᐅᓄᖅᑐᓄᑦ ᐊᔾᔨᒌᖏᑦᑐᓄᑦ ᑎᖕᒥᐊᓄᑦ ᓲᕐᓗᑐᑦ:

• ᖃᖁᓪᓗᑦ
• ᓇᐅᔭᑦ
• ᐱᑦᑎᐅᓛᑦ
• ᒥᑏᑦ
• ᐊᒡᒋᐊᕐᔪᐃᑦ

ᐱᕐᔪᐊᖑᔪᖅ ᖃᓄᐃᓕᖓᔪᖅ ᑕᒫᓂ  ᑕᐃᒪᐃᓖᓐᓇᓲᖅ ᐊᐅᒃᑲᕐᓂᖅ ᓂᒋᐊᓂ ᑯᐳᒃ ᕿᑭᖅᑕᐅᑉ ᓚᐃᑎ ᐊᓐ ᓱᓪᓗᕐᒥ.  ᐃᒪᐅᓂᖅ ᐃᒪᐅᓲᖅ ᐊᕐᕌᒍᓕᒫᕐᒥ ᑕᕆᐅᕐᒥᐅᑕᓂᒡᓗ ᑎᖕᒥᐊᓂᒃ ᓂᕿᒃᓴᖃᖅᑎᑦᑎᐊᖅᖢᒋᑦ ᐃᖃᓗᖕᓂᒃ ᑯᑭᐅᔭᓕᖕᓂᒡᓗ ᐱᓗᐊᖅᑐᒥ ᐅᐱᕐᖔᒃᑯᑦ. ᐊᑐᓃᖓᓲᖑᒐᓗᐊᖅᖢᓂ ᖃᔅᓯᑲᓪᓚᓄᑦ ᑕᖅᑭᓄᑦ, ᑖᓐᓇ ᐊᐅᒃᑲᕐᓂᖅ ᐃᓚᓕᐅᑎᓲᖅ ᐱᑭᐊᓚᓱᖅᓱᐊᕐᒧᑦ, ᐊᖏᓛᖅ ᑕᐃᒪᐃᓖᓐᓇᓲᖅ ᐊᐅᒃᑲᕐᓂᖅ ᐅᑭᐅᖅᑕᖅᑐᒥ ᐃᓚᖓᓄᑦ ᐊᕐᕌᒎᑉ.

ᐱᖃᓯᐅᑎᓪᓗᒍ ᐱᕕᖃᖅᑎᑦᑎᓂᕐᒥᒃ ᑕᕆᐅᕐᒥᐅᑕᓄᑦ ᑎᒻᒡᒥᐊᓄᑦ ᐱᕐᔪᐊᓄᑦ ᓂᕿᖃᕐᕕᖕᓂᒃ ᑕᒪᒃᑮᓂ ᕿᑐᕐᖏᐅᖅᑎᓪᓗᒋᑦ ᓯᓚᑖᓂᓗ ᑕᕆᐅᑦ ᐃᓗᐊᓂ ᐊᕙᑎᖏᓐᓂᓗ  ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᐅᑉ ᓂᕆᕝᕕᒋᔭᐅᕗᑦ ᐅᓄᖅᑐᓄᑦ ᑕᕆᐅᕐᒥᐅᓄᑦ ᓂᕐᔪᑎᓄᑦ, ᐱᖃᓯᐅᖦᖢᒋᑦ ᓇᓄᐃᑦ, ᐊᐃᕖᑦ ᖃᐅᓪᓗᖅᑖᑦ ᕿᓚᓗᒐᑦ, ᕿᓚᓗᒐᑦ ᓇᑦᑏᓪᓗ.

ᐆᒪᔪᖃᑦᑎᐊᕐᓂᖓ ᓂᕐᔪᑎᖃᕐᕕᖕᒥ ᐱᑐᐃᓐᓇᐅᖏᔾᔪᑕᐅᕗᖅ ᐃᓄᖕᓄᑦ ᖃᓂᓛᓂᑦ ᓄᓇᓕᖕᓂᑦ, ᐊᐅᓱᐃᑦᑐᖅ (100 ᑭᓛᒥᑕᑦ ᐸᓗᐃᑦ ᐅᖓᓯᒃᑐᖅ), ᓂᕐᔪᑎᓲᑦ ᓂᕿᓕᒫᑲᓴᒥᓂᒃ ᑕᕆᐅᕐᒥᑦ.

ᑯᐳᒃ ᕿᑭᖅᑕᖓ ᐃᓚᒋᔭᐅᔪᖅ ᑕᐃᕕᔅ ᐳᖅᑐᔪᖏᓐᓂ ᓄᓇᖃᓪᓗᐊᑕᖅᖢᓂ ᖁᑦᑎᒃᑐᓂ ᑲᓇᑕᐅᑉ ᑐᙵᕕᒡᔪᐊᖓᓂ ᓄᓇᓂ ᓯᒡᔭᓂ ᓄᓇᑭᑦᑐᖃᖅᖢᓂ ᐅᐊᖕᓇᖅ ᐱᓇᖕᓇᕐᒥ. ᓯᕐᒦᑦ ᓂᓚᓖᓪᓗ ᖄᐹᖅᓯᕗᑦ 65% ᑲᓴᖕᒥᒃ ᕿᑭᖅᑕᒥᒃ. ᐊᓯᖏᑦ ᓄᓇᕐᓗᒃᑐᑦ, ᖃᖅᑲᓖᑦ ᐳᖅᑐᓛᖏᑦ ᐅᖓᑖᓃᑦᑐᑦ 800 ᒦᑕᑦ ᑕᕆᐅᑉ ᖁᓛᓂᑦ. ᐳᕆᓐᓴᔅ ᓴᓚᑦ ᓇᓗᓇᐃᒃᑯᑕᖅ ᑕᐃᒪᓐᓇᑦᑕᐅᖅ ᓯᕕᖓᔪᖅ ᐅᔭᕋᐅᓪᓗᓂᓗ.

ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᖃᕐᕕᒃ. ᐊᔾᔨᙳᐊᖅ: ᒋᐅᕆ ᑕᓄᓪᑦᓴᓐ ᑐᓴᒃᑲᓐᓂᕆᑦ ᓂᕐᔪᑎᖃᕐᕕᖕᒧᑦ ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᖕᒧᓪᓘᓐᓃᑦ  ᓇᐃᓈᖅᓯᒪᔪᓄᑦ ᓇᓗᓇᐃᖅᓯᒪᔪᓄᑦ ᑲᓇᓂ.

ᐊᐅᓚᑕᐅᓃᑦ

ᐃᓗᐊᓂ ᑲᓇᑕᒥ ᓂᕐᔪᑎᓄᑦ ᐱᖁᔭᕐᔪᐊᑉ,t ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕖᑦ ᓴᐳᔾᔭᐅᓯᒪᕗᑦ ᐊᐅᓚᑕᐅᓪᓗᑎᒡᓗ ᒪᓕᒃᖢᒋᑦ ᓂᕐᔪᑎᖃᕐᕕᖕᓄᑦ ᒪᓕᒋᐊᓖᑦs. ᐊᑑᑎᓪᓗᐊᑕᖏᑦ ᐆᒪᔪᖃᕐᕖᑦ ᓴᐳᑎᓗᒋᑦ ᓄᖑᔾᔭᐃᕐᓗᒋᓪᓗ ᐆᒪᔪᑦ  ᐆᒪᔪᖃᕐᕖᓪᓗ. ᑖᔅᓱᒧᖓ ᑐᕌᖅᑐᒧᑦ ᒪᓕᒡᓗᓂᓗ ᐱᖁᔭᕐᔪᐊᓂᒃ, ᐱᓕᕆᓂᓕᒫᑦ ᐆᒪᔪᖃᕐᕕᖕᒥ ᐊᒡᕕᐊᕈᑕᐅᔪᓐᓇᖅᑐᑦ ᓄᖑᔾᔭᐃᖅᑕᐅᓂᖏᓐᓄᑦ ᐆᒪᔪᑦ ᐊᑐᖁᔭᐅᖏᑦᑐᓐᓇᖅᑐᑦ. ᑕᐃᒪᐃᒻᒪᑦ, ᐊᑕᖏᑲᓴᒃᑐᑦ ᐆᒪᔪᖃᕐᕖᑦ ᑲᓇᑕᒥ ᐅᐸᒐᒃᓴᐅᖏᑦᑐᑦ ᐃᓄᖕᓄᑦ   ᐊᓯᓕᒫᓪᓗ ᐱᓕᕆᓃᑦ ᐱᓕᕆᖁᔭᐅᖏᑦᑐᑦ ᑲᓇᑕᒥ ᐆᒪᔪᖃᕐᕕᖕᓂ.  ᑭᓯᐊᓂ, ᐃᓚᖏᑦ ᐱᓕᕆᓃᑦ ᐊᔪᙱᑎᑕᐅᔪᓐᓇᖅᑐᑦ ᐃᓗᐊᓂ ᐸᕐᓇᒃᓯᒪᔪᑦ ᐃ.1ᒥ  ᓂᕐᔪᑎᖃᕐᕕᖕᓄᑦ ᒪᓕᒋᐊᓕᖕᓂ ᑐᓂᔭᐅᒍᑎᒡᓘᓐᓃᑦ ᐱᔪᓐᓇᐅᑎᓂᒃ ᒪᓕᒃᑯᑎᒃ ᐊᐅᓚᓂᕐᓄᑦ ᐸᕐᓇᐅᑎᓂ ᑎᑭᑕᐅᓇᓱᒃᑐᓂᒃ ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᖕᒧᑦ. ᑐᓴᒃᑲᓐᓂᕈᒪᒍᕕᑦ, ᐅᖃᖃᑎᒋᒃᑭᑦ ᓂᕐᔪᑎᒃᑯᕕ ᑲᓇᑕᒥ ᐆᒪᔪᒃᑯᕕᐅᑉ ᐊᐅᓚᑦᑎᓃᑦ ᐱᓕᕆᓃᓪᓗ ᐊᐅᓚᑦᑎᓃᑦ ᐱᓕᕆᓖᓪᓗ  ᐱᓕᕆᕝᕕᖏᑦ

ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᒃ ᐊᐅᓚᑕᐅᔪᖅ ᑲᓇᑕᒥ ᐆᒪᔪᓕᕆᔨᓂᑦ ᐊᕙᑎᓄᑦ ᓯᓚᐃᓪᓗ ᐊᓯᔾᔨᕐᓂᖏᓐᓄᑦ ᑲᓇᑕᒥᒃᑯᓐᓂᑦ ᐃᓄᖕᓂᓪᓗ ᐊᐅᓱᐃᑦᑐᕐᒥᑦ, ᓄᓇᕗᑦ ᐃᓚᒋᓪᓗᒍ ᐊᐅᓚᑦᑎᓂᕐᓄᑦ ᐊᖏᖃᑎᒌᒍᑎᒧᑦ ᓴᖅᑭᑕᐅᔪᖅ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᓄᓪᓗ ᐊᖏᖃᑎᒌᒍᑎᒧᑦ ᑲᓇᑕᒥ ᓂᕐᔪᑎᖃᕐᕕᖕᓄᑦ ᓅᒃᑕᖅᑎᓄᓪᓗ ᑎᖕᒥᐊᓄᑦ ᓴᐳᔾᔨᕕᖕᓄᑦ ᓄᓇᕘᑖᕐᕕᐅᔪᒥ. ᓴᖅᑭᑕᐅᔪᖅ ᑲᑐᔾᔭᐅᓪᓗᓂ ᐊᐅᓚᑦᑎᓂᒃᑯᑦ ᐋᖅᑭᒃᓯᒪᔪᕐᒧᑦ ᓇᓗᓇᐃᖅᑕᐅᔪᒧᑦ ᐊᒃᑐᖅᑕᐅᓂᕐᓄᑦ ᐱᕚᓪᓕᕈᑎᒥ, ᓂᕐᔪᑦᖃᕐᕕᖕᒧᑦ ᑲᑐᔾᔭᐅᔪᓄᑦ ᐊᐅᓚᑦᑎᓂᕐᓄᑦ ᑲᑎᒪᔨᖏᑦ ᑎᓕᐅᕆᓲᖑᕗᑦ ᑭᓱᓕᒫᓄᑦ ᓂᕐᔪᑎᖃᕐᕕᐅᑉ ᑲᓇᑕᒥ ᐆᒪᔪᒃᑯᕕᐅᑉ ᐊᐅᓚᑕᐅᓂᖏᓐᓄᑦ ᖃᓄᖅᑑᕐᓂᕐᓄᓪᓗ ᐊᑐᐊᒐᓄᑦ ᐊᒃᑐᐃᔪᓂᒃ ᐆᒪᔪᒃᑯᕕᖕᒥᒃ, ᐱᖃᓯᐅᓪᓗᒋᑦ ᐃᓄᐃᑦ ᐊᑐᕈᓐᓇᕐᓂᖏᑦ ᐆᒪᔪᒃᑯᕕᐅᑉ ᐃᓗᐊᓂ, ᐱᔪᒪᓇᓲᑎᓄᑦ ᐱᓇᓲᑏᑦ, ᖃᐅᔨᓴᖅᑕᐅᔪᑦ ᐃᓗᐊᓂ ᐆᒪᔪᒃᑯᕕᐅᑉ, ᐳᓛᕆᐊᖅᑐᓄᑦ, ᐊᐅᓚᑕᐅᓂᕐᓄᓪᓗ ᓴᐳᔾᔭᐅᓂᕐᓄᓪᓗ ᐆᒪᔪᑦ ᐆᒪᔪᒃᑯᕖᓪᓗ.

ᓄᓇᕗᒥ, ᓄᓇᕘᒥᐅᑦ ᐃᓄᐃᑦ, ᐃᓚᒋᓪᓗᒍ ᓄᓇᕘᑖᕈᑎᒧᑦ, ᐊᖑᓇᓱᒍᓐᓇᖅᑐᑦ, ᐱᖃᓯᐅᖦᖢᒋᑦ ᓅᒃᑕᖅᑏᑦ ᒪᓐᓂᖏᓐᓂᒃ ᒪᓐᓂᒃᑕᕐᓂᕐᓂᒃ ᓱᓗᖏᓐᓂᒡᓗ  ᑮᓇᐅᔭᓕᐅᕐᓂᕆᓄᑦ, ᐃᓅᓯᕐᒥᓄᑦ ᐃᓅᓯᑐᖃᒥᒍᓪᓗ ᐊᑐᕆᐊᖃᖅᑕᒥᓄᑦ (ᐊᕕᒃᓯᒪᔪᖅ 5 ᓄᓇᕘᑖᕈᑎᒥ). ᐅᐸᒍᓐᓇᕐᓃᑦ ᐆᒪᔪᒃᑯᕕᖕᒧᑦ ᑭᓇᑐᐃᓐᓇᕐᒧᑦ ᐃᓅᖏᑦᑐᒧᑦ ᐊᑎᓕᖕᓄᑦ ᓄᓇᕘᑖᕈᑎᒥ ᐅᐸᒍᓐᓇᙱᓚᑦ, ᑕᐃᒪᐃᒻᒪᑦ ᐱᔪᓐᓇᐅᑎᑖᕆᐊᓖᑦ ᐃᓯᕋᓱᒡᓗᓂ ᖃᓄᑐᐃᓐᓇᕐᓘᓐᓃᑦ ᐱᓕᕆᓗᓂ ᓂᕐᔪᑎᖃᕐᕕᖕᒥ. ᐱᓕᕆᓃᑦ ᑉᓕᕆᔪᓐᓇᖅᑎᑕᐅᔪᑦ ᒪᓕᖕᓂᐊᖅᑐᑦ ᓄᖑᔾᔭᐃᖅᓯᒪᓂᕐᓄᑦ ᖃᓄᐃᑕᐅᓇᓱᒃᑐᓄᑦ ᐆᒪᔪᒃᑯᕕᐅᑉ ᐸᕐᓇᐅᑎᐊᓂᒃ (ᒫᓐᓇᐅᔪᖅ ᓴᓇᔭᐅᔪᖅ).

ᑐᔅᓴᒃᑲᓐᓂᕈᒪᒍᕕᑦ ᐅᐸᒍᓐᓇᕐᓂᕐᓄᑦ  ᐱᔪᓐᓇᐅᑎᓄᓪᓗ ᐆᒪᔪᒃᑯᕕᖕᒧᑦ ᐱᔪᓐᓇᖅᐳᑎᑦ ᑐᓴᖅᑎᓪᓗᒋᑦ ᐅᑯᐊ ᐅᕙᓂ ᐊᕙᑎᓕᕆᓂᕐᓄᑦ ᓯᓚᐃᓪᓗ ᐸᓯᔾᔨᕐᓂᖏᓐᓄᑦ ᑲᓇᑕᒥᒃᑯᑦ ᐊᕕᒃᓯᒪᔪᓂ ᑎᑎᕋᕐᕕᖓᑦ.

ᓄᓇᙳᐊᖓ ᑕᒪᑐᒪ

ᑖᓐᓇ ᓄᓇᙳᐊᖅ ᑕᓇᒍᑎᑐᐃᓐᓇᖅ ᐊᑐᕆᐊᖃᖏᑦᑐᖅ ᐱᖁᔭᑎᒍᑦ ᓄᓇᐃᑦ ᑭᒡᓕᖏᓐᓂᒃ. 

ᓇᐃᓈᖅᓯᓚᔪᓄᑦ  ᓇᓗᓇᐃᖅᓯᒪᔪᑦ

ᖃᐅᔨᒪᔭᕆᐊᓕᒃ: ᐊᑲᐅᙱᓕᐅᕆᑎᑕᖃᖅᐸᑦ ᖃᐅᔨᒪᔭᐅᔪᓄᑦ ᓴᖅᑭᑕᐅᔪᓄᑦ ᑕᕝᕙᓂ ᐊᐃᖅᑮᕕᖕᒥ, ᓇᓕᐊᑐᐃᓐᓇᖅ ᑐᓴᒐᒃᓴᖅ ᓴᖅᑭᑕᐅᔪᖅ ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᐅᑉ ᐊᐃᖅᑮᕕᐊᓂ ᐱᖁᔭᑎᒍᓪᓗ, ᐱᖁᔭᑦ ᓵᓚᓖᑦ, ᐱᖁᔭᑎᒍᑦ ᐱᓕᕆᔾᔪᑕᐅᖕᒪᑦ ᐱᔪᓐᓇᖅᑎᑦᑎᔪᓄᑦ ᐱᓕᕆᔭᐅᔪᒥᒃ.

ᐅᖃᖃᑎᒋᑎᒍᑦ

ᐊᕙᑎᓕᕆᓂᕐᓄᑦ  ᓯᓚᐃᓪᓗ  ᐊᓯᔾᔨᕐᓂᖏᓐᓄᑦ ᑲᓇᑕᒥ - ᐅᐊᖕᓴᓕᕆᓃᑦ
(ᑲᓇᑕᒥ ᐆᒪᔪᓕᕆᕝᕖᑦ)
933 ᒥᕝᕕᒃ ᐊᖁᑎᖓ, ᐱᖓᔪᐊᓂ ᓇᑎᖅ
ᑎᑎᖅᑲᒃᑯᕕᒃ ᓈᓴᐅᑖ 1870
ᐃᖃᓗᐃᑦ, ᓄᓇᕗᑦ
X0A 0H0

ᑕᓚᕘᖅ:  867-975-4642
ᐊᑭᖃᖏᑦᑐᖅ: 1-800-668-6767 (ᑲᓇᑕᒥᑐᐊᖅ)
ᖃᕋᓴᐅᔭᑎᒍᑦ: ec.enviroinfo.ec@canada.ca

ᐊᒃᑐᐊᔪᑦ ᑐᕌᕈᑏᑦ

• ᓂᕐᔪᑎᖃᕐᕕᖕᓄᑦ ᒪᓕᒋᐊᓖᑦs
• ᑲᓇᑕᒥ ᓂᕐᔪᑎᓄᑦ ᐱᖁᔭᕐᔪᐊᑉ,t
• ᓄᓇᕐᔪᐊᕐᒥᐅᑦ  ᑲᑐᔾᔨᖃᑎᒌᖏᑦ ᓄᖑᔾᔭᐃᖅᑕᐅᓂᖏᓐᓄᑦ ᐆᒪᔪᑦ (IUCN)
•  ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᒃ ᐅᖃᓕᒫᒐᖅ
• ᓂᕐᔪᑎᖃᕐᕕᒃ ᑲᓇᑕᒥ ᐆᒪᔪᒃᑯᕕᒃ  ᒎᒍᓪ  ᓄᓇᙳᐊᑎᒍᑦ (ᖃᐅᔨᒪᒋᑦ ᒎᒍᓪ  ᓄᓇᙳᐊᑦ ᐊᑭᖃᖏᖦᖢᑎᒃ ᖃᐅᔨᒪᔾᔪᑕᐅᔪᑦ ᑭᒡᒐᖅᑐᐃᓇᑎᒃ ᓄᓇᙳᐊᓪᓚᑦᑖᕐᒥᒃ  ᓄᓇᐅᓪᓘᓐᓃᑦ  ᓄᓇᐅᑉ  ᐊᑎᖓᓂᒃ)